أذكريني
19-03-2004, 10:38
أسعد الله مساءاتكم بكل الخير
ستار
أكاديمي
في
السعودية
هذا
ماصرح به أبو سعد في جلسة روقان مساء أمس في إحدى الإستراحات على طريق القصيم .
إنتبه الجميع وقالوا إلا هذي قل غيرها
رد ابوسعد ماصدقتم
الجميع بصوت واحد : لا
قال :ابوسعد أنا أقول تخيلوا لو كان هالبرنامج اللي الله لا يجزى خير من فكر فيه أو وافق عليه او عنده سلطة يمنعه وما منعه تخيلوا لو كان في السعودية وشلون بيصير شكله .
رد أحد الشباب : والله ماندري وشلون
قال أبو سعد خذوا عندكم :
اولاً الإسم بدل ستار أكاديمي بيصير "معهد السرابيت الأهلي"
بعدين من هم الطلاب :
* ثلاثة عرابجة اسماؤهم ﴿ابوعرب - رجه - ملك السلسلة﴾
* واحد من طلعة هالوقت كاب وهيدفون وبدلة رياضية اربع وعشرين ساعة اسماؤهم ﴿تيسير﴾
* اثنين من الشباب المتفوقين في دراستهم اسماؤهم ﴿بدر - على ﴾
* عاطل عن العمل له اربع سنين متخرج من الجامعة تخصص جغرافيااسمه ﴿محمد﴾
ملاحظة الأسماء عشوائية
المكان : بيت واحد من اللي يعرفون والد "أبوعرب" قال لهم أقعدوا فبه وركبوا كميراتكم أنا ما أحتاجه عقب ماطلقت السورية ﴿زوجته الرابعة كانت سورية متزوجها من شهرين﴾
البرنامج الصباحي :
يقوم "أبوعرب" أول واحد وييبدأ يمزح مع "ملك السلسلة" ويكب في وجهه مويه عشان يقوم من النوم .
يقوم "ملك السلسلة" وأهون كلمة يقولها ﴿لاحظوا مزح﴾ أهون كلمة يقوله أزعجتنا الله يلعن أم اللي جمعنا في هالمعهد معك.
يقوم "الرجه" على هالصوت ويقول ياجماعة الخير إذكروا الله لا أقوم أمسح وجيهكم في هالزولية اللي تتكسر من الوسخ.
وعلى الصوت العالي يقوم الشاب العاطل اللي في الغرفة الثانية ويدخل "محمد" ويقول كم تدفعون وأغسل الزولية على الأقل الواحد يضمن مصروف يوم .
يضحك "أبو عرب" ويقول الا ماتاخذ خمسة ريال وتقلب وجهك.
والا تدري خلها عشرة ورح خرب على المصارية اللي راح وقتهم وهم قرايه اعنبوا بليسهم أحس انهم من العشرة الأوائل في الشرق الأوسط ماهو هنا بس .
يدخل "تيسير" لابس شورت وفنيلة "كت" ويقول : الله يخلف عليهم والله اللي جبت خبرهم يابو عرب .
ويتدخل "محمد" ويقول ماهو ابو عرب اللي عيونه حارة هذا "الرجه" اللي عطانيها أمس .
يضحك "الزعيم" ابوعرب بصوت عالي ويقول " باله وش سوى ابن الكلب؟
قال محمد : أمس كنت واقف معه ومع بدر وبعدين رحت لدورة المياه ومع إني أمشي بشويش الا إني طحت على راسي في دورة المياة وغبت عن الوعي يمكن نصف ساعة ويوم رجعت قال لي "بدر" شفت الرجه وش قال يوم رحت .
قلت وش قال ؟
قال التفت على وانت رحت وبعدين التفت يبي يكلمك مالقاك قال أعنبوه وش خفه والله كنه يزوول لي علمك به عندك ولي دريت ليه في محل ثاني من سرعته وخفته .
الجميع يضحك ويدخل عليهم "بدر" و"على" والإثنين طبعا لابسين نظارات وقالوا هاشباب عرفتوا من اللي بيطلع هالأسبوع ؟
رد "الرجه" وقال جوك الدوافير يابن الحلال تونا أول يوم في المعهد خلنا نقول ياهادي .
وهم يتكلمون ويدخل مدرس الموسيقى قال يالله حصة الموسيقى وش عندك يابو عرب قال عندي دويتو مع تيسير "في شارع الخزان"
رد عليه مدرس الموسيقى لا أبي شي مودرن شي من الجديد .
قال ابوعرب طيب نغيرها لـ "ابوصالخ سرى ليلة "
قال مدرس الموسيقى ما أظن فيكم فايدة اعتبروني درستكم وكلكم نجحتوا لأن ماعندي استعداد أخرب آذاني .
ويطلع ويدخل مدرس الرقص ويطالع في هالأشكال قال ماضن إنكم بترقصون أشكالكم فزيعه وينكن وين الرقص .
رد عليه أبو عرب : ماعليش ياستاد بس الظاهر إني ابرقص جنوبك ببقوس لو ماعدلت كلامك.
خاف الاستاذ مراد ﴿لبناني﴾ وقال : ياعمي ماحكيت شيء غلط شوف شكلك شوف ايديك وحدة أطول من التانية .
ويتسدح الشباب من الضحك على "أبو عرب" اللي قعد يتمتم والأكيد انه يسب ويلعن ويرد حفظاً لكرامته وش تبينا الحين نسوى نتحزم ونرقص .
رد الاستاذ : له ياعمي شو تتحزم بدي أشوف إمكانات كل واحد فيكن يالله وروني .
قال ابو عرب بنوريك جماعي بس نبي طيران وطبول .
رد "الرجه" موجوده ويروح على طول ويجيبها.
وينادي "ابوعرب" الشباب يالله ياشباب أمسكوا الصف ويبدا بسامرية "الا ياطير يالأخضر" ويتمايل الجميع طربا ورقص وكل شوي أبو عرب يقوم وحركتين من هز البحرين ويرجع مكانه لكن اللي ماحسبوا حسابه إن "على" وهو احد الطلاب الجيدين يطلع فيه زيران وماجوا في نص الأغنية الا طلعت عيونه وخذ يارقص ومقامز.
وهاللبناني يصفق ﴿ايه هذا اللي بدياه ياعيني على اللياقة بس إفرد وشك شوي مامعؤول هيك- يالله خلاص خلينا نشوف واحد تاني﴾
وعلى مستمر في الرقص ومدرس الرقص يصارح ياعمي خلاص خلاص برافو.
ويلتفت أبو عرب يالله ياشباب سروا الرجال نبي جرمه ويبدون ويطب اللبناني في وسطهم ويقول ﴿لا لا لا مش هيك الأول أحسن مابدى هالايقاع ويسرون الرجال ويطلعون باغنية "مايطيق الصبرة والمفاجأة إن اللبناني استنزل عليهم وما سروه الا باخصمك آه .
ويمشي مدرس الرقص ويدخل مدرس الرياضة ويالله ياشباب على الصالة والجميع على الصالة نص ببدل رياضة ونص بثياب وزبيريات ويرمي عليهم كورة ويقول لهم يالله فرقوا وإذا خلصتوا رجعوا الكورة.
ويستمر الشباب في اللعب من الصباح الى أن جا صديق "ملك السلسة" يفحط وضرب في محول الكهرب وطفى الكهرباء عن نص الحارة ومنهم المعهد.
وينجبر طلاب المعهد على النوم ويرفض ابو عرب والرجه والملك النوم بدري لو كان الكهرب طافيه ويطلعون بكنابلهم برى في الحوش ويقعدون سوالف وتدخين لين الفجر رجعوا بعدها للغرفة ونوم لين العصر.
في اليوم التالي أعلنت نتائج من اللي بيطلع في الأسبوع الأول وجلس الجميع على أعصابهم لأنه لازم يطلع إثنين .
وكانت النتيجة إن راعي البيت اللي هم فيه توفى وجوهم الورثة قالوا إن البيت سبالة بتقعدون ادفعوا اجار والا أطلعوا .
وقرر ابو عرب عقد إجتماع عاجل قرروا فيه ترك البيت ومواصلة الاجتماعات في الثمامة وعلى قولة أبو عرب لو ماأستفدنا من هالأكاديمية الا إن الواحد تروش في هاليومين مرتين عشان خايف الكميرا تعرف إني وسخ.
===============================
المهم أبو سعد كمل سالفته والا الشباب نصهم معطيه ظهرة يناظر ستار أكاديمي الحقيقي الله لا يعيده والنص الثاني قاموا يلعبون كورة يقولون إن أبوسعد ذكرهم بالكورة يوم جاب سيرة مدرس الرياضة .
قام أبو سعد وسحب له مركى وغطى وجهه بالبشت وسرينا وهو نايم وما أدري هو قام لصلاة الفجر والجمعة والا لا.
تحياااتي
أذكرينـــــــــــي
ستار
أكاديمي
في
السعودية
هذا
ماصرح به أبو سعد في جلسة روقان مساء أمس في إحدى الإستراحات على طريق القصيم .
إنتبه الجميع وقالوا إلا هذي قل غيرها
رد ابوسعد ماصدقتم
الجميع بصوت واحد : لا
قال :ابوسعد أنا أقول تخيلوا لو كان هالبرنامج اللي الله لا يجزى خير من فكر فيه أو وافق عليه او عنده سلطة يمنعه وما منعه تخيلوا لو كان في السعودية وشلون بيصير شكله .
رد أحد الشباب : والله ماندري وشلون
قال أبو سعد خذوا عندكم :
اولاً الإسم بدل ستار أكاديمي بيصير "معهد السرابيت الأهلي"
بعدين من هم الطلاب :
* ثلاثة عرابجة اسماؤهم ﴿ابوعرب - رجه - ملك السلسلة﴾
* واحد من طلعة هالوقت كاب وهيدفون وبدلة رياضية اربع وعشرين ساعة اسماؤهم ﴿تيسير﴾
* اثنين من الشباب المتفوقين في دراستهم اسماؤهم ﴿بدر - على ﴾
* عاطل عن العمل له اربع سنين متخرج من الجامعة تخصص جغرافيااسمه ﴿محمد﴾
ملاحظة الأسماء عشوائية
المكان : بيت واحد من اللي يعرفون والد "أبوعرب" قال لهم أقعدوا فبه وركبوا كميراتكم أنا ما أحتاجه عقب ماطلقت السورية ﴿زوجته الرابعة كانت سورية متزوجها من شهرين﴾
البرنامج الصباحي :
يقوم "أبوعرب" أول واحد وييبدأ يمزح مع "ملك السلسلة" ويكب في وجهه مويه عشان يقوم من النوم .
يقوم "ملك السلسلة" وأهون كلمة يقولها ﴿لاحظوا مزح﴾ أهون كلمة يقوله أزعجتنا الله يلعن أم اللي جمعنا في هالمعهد معك.
يقوم "الرجه" على هالصوت ويقول ياجماعة الخير إذكروا الله لا أقوم أمسح وجيهكم في هالزولية اللي تتكسر من الوسخ.
وعلى الصوت العالي يقوم الشاب العاطل اللي في الغرفة الثانية ويدخل "محمد" ويقول كم تدفعون وأغسل الزولية على الأقل الواحد يضمن مصروف يوم .
يضحك "أبو عرب" ويقول الا ماتاخذ خمسة ريال وتقلب وجهك.
والا تدري خلها عشرة ورح خرب على المصارية اللي راح وقتهم وهم قرايه اعنبوا بليسهم أحس انهم من العشرة الأوائل في الشرق الأوسط ماهو هنا بس .
يدخل "تيسير" لابس شورت وفنيلة "كت" ويقول : الله يخلف عليهم والله اللي جبت خبرهم يابو عرب .
ويتدخل "محمد" ويقول ماهو ابو عرب اللي عيونه حارة هذا "الرجه" اللي عطانيها أمس .
يضحك "الزعيم" ابوعرب بصوت عالي ويقول " باله وش سوى ابن الكلب؟
قال محمد : أمس كنت واقف معه ومع بدر وبعدين رحت لدورة المياه ومع إني أمشي بشويش الا إني طحت على راسي في دورة المياة وغبت عن الوعي يمكن نصف ساعة ويوم رجعت قال لي "بدر" شفت الرجه وش قال يوم رحت .
قلت وش قال ؟
قال التفت على وانت رحت وبعدين التفت يبي يكلمك مالقاك قال أعنبوه وش خفه والله كنه يزوول لي علمك به عندك ولي دريت ليه في محل ثاني من سرعته وخفته .
الجميع يضحك ويدخل عليهم "بدر" و"على" والإثنين طبعا لابسين نظارات وقالوا هاشباب عرفتوا من اللي بيطلع هالأسبوع ؟
رد "الرجه" وقال جوك الدوافير يابن الحلال تونا أول يوم في المعهد خلنا نقول ياهادي .
وهم يتكلمون ويدخل مدرس الموسيقى قال يالله حصة الموسيقى وش عندك يابو عرب قال عندي دويتو مع تيسير "في شارع الخزان"
رد عليه مدرس الموسيقى لا أبي شي مودرن شي من الجديد .
قال ابوعرب طيب نغيرها لـ "ابوصالخ سرى ليلة "
قال مدرس الموسيقى ما أظن فيكم فايدة اعتبروني درستكم وكلكم نجحتوا لأن ماعندي استعداد أخرب آذاني .
ويطلع ويدخل مدرس الرقص ويطالع في هالأشكال قال ماضن إنكم بترقصون أشكالكم فزيعه وينكن وين الرقص .
رد عليه أبو عرب : ماعليش ياستاد بس الظاهر إني ابرقص جنوبك ببقوس لو ماعدلت كلامك.
خاف الاستاذ مراد ﴿لبناني﴾ وقال : ياعمي ماحكيت شيء غلط شوف شكلك شوف ايديك وحدة أطول من التانية .
ويتسدح الشباب من الضحك على "أبو عرب" اللي قعد يتمتم والأكيد انه يسب ويلعن ويرد حفظاً لكرامته وش تبينا الحين نسوى نتحزم ونرقص .
رد الاستاذ : له ياعمي شو تتحزم بدي أشوف إمكانات كل واحد فيكن يالله وروني .
قال ابو عرب بنوريك جماعي بس نبي طيران وطبول .
رد "الرجه" موجوده ويروح على طول ويجيبها.
وينادي "ابوعرب" الشباب يالله ياشباب أمسكوا الصف ويبدا بسامرية "الا ياطير يالأخضر" ويتمايل الجميع طربا ورقص وكل شوي أبو عرب يقوم وحركتين من هز البحرين ويرجع مكانه لكن اللي ماحسبوا حسابه إن "على" وهو احد الطلاب الجيدين يطلع فيه زيران وماجوا في نص الأغنية الا طلعت عيونه وخذ يارقص ومقامز.
وهاللبناني يصفق ﴿ايه هذا اللي بدياه ياعيني على اللياقة بس إفرد وشك شوي مامعؤول هيك- يالله خلاص خلينا نشوف واحد تاني﴾
وعلى مستمر في الرقص ومدرس الرقص يصارح ياعمي خلاص خلاص برافو.
ويلتفت أبو عرب يالله ياشباب سروا الرجال نبي جرمه ويبدون ويطب اللبناني في وسطهم ويقول ﴿لا لا لا مش هيك الأول أحسن مابدى هالايقاع ويسرون الرجال ويطلعون باغنية "مايطيق الصبرة والمفاجأة إن اللبناني استنزل عليهم وما سروه الا باخصمك آه .
ويمشي مدرس الرقص ويدخل مدرس الرياضة ويالله ياشباب على الصالة والجميع على الصالة نص ببدل رياضة ونص بثياب وزبيريات ويرمي عليهم كورة ويقول لهم يالله فرقوا وإذا خلصتوا رجعوا الكورة.
ويستمر الشباب في اللعب من الصباح الى أن جا صديق "ملك السلسة" يفحط وضرب في محول الكهرب وطفى الكهرباء عن نص الحارة ومنهم المعهد.
وينجبر طلاب المعهد على النوم ويرفض ابو عرب والرجه والملك النوم بدري لو كان الكهرب طافيه ويطلعون بكنابلهم برى في الحوش ويقعدون سوالف وتدخين لين الفجر رجعوا بعدها للغرفة ونوم لين العصر.
في اليوم التالي أعلنت نتائج من اللي بيطلع في الأسبوع الأول وجلس الجميع على أعصابهم لأنه لازم يطلع إثنين .
وكانت النتيجة إن راعي البيت اللي هم فيه توفى وجوهم الورثة قالوا إن البيت سبالة بتقعدون ادفعوا اجار والا أطلعوا .
وقرر ابو عرب عقد إجتماع عاجل قرروا فيه ترك البيت ومواصلة الاجتماعات في الثمامة وعلى قولة أبو عرب لو ماأستفدنا من هالأكاديمية الا إن الواحد تروش في هاليومين مرتين عشان خايف الكميرا تعرف إني وسخ.
===============================
المهم أبو سعد كمل سالفته والا الشباب نصهم معطيه ظهرة يناظر ستار أكاديمي الحقيقي الله لا يعيده والنص الثاني قاموا يلعبون كورة يقولون إن أبوسعد ذكرهم بالكورة يوم جاب سيرة مدرس الرياضة .
قام أبو سعد وسحب له مركى وغطى وجهه بالبشت وسرينا وهو نايم وما أدري هو قام لصلاة الفجر والجمعة والا لا.
تحياااتي
أذكرينـــــــــــي