من انت يا هيفاء كي يخطبك 50 الف سعودي

[الأستـــاذ]

من انت ياهيفاءكي يخطبك50ألف سعودي
اغرب حوار صحفي قرآته في حياتي هو ذلك الحوار 00 الخاوي 00 الذي نشرته
احدى الصحف مع المدعوه/ هيفاء حدادي التي اشتهرت ببرنامجها السخيف ((ما
إلك
الا هيفاء))00
لقد تحدثت هذه الهايفه بكلام ساذج وصدقتها تلك المحرره المسكينه 000000
التي
اجرت الحوار معها فنشرت وللاسف كل ماقالت دون أي وازع او حياء ودون
احترام للمرآة السعوديه تلك المرآه التي تعتبر نبراسآ للعفة والحياء0
تقول هذه المرآة المسترجله والتي تذكرني بشكلها وحركاتها بحيوان (
الكنغر)
الاسترالي ان اكثر من (50) الف سعودي اتصلوا بها عبر الهاتف يطلبون الزواج

منها 00 ياساتر00
وتقول عن المرآة السعوديه بأنها تأكل ( الكبسه ) وتسير كالبرميل !!
تصوروا وصفت السعوديات بهذا الوصف الظالم وتواصل تفاهتها قائله ان الرجل
السعودي محروم من رشاقة زورجته وانها وجدت في مطارنا ترحيبآ من الرجال
ونظرات عداء من النساء ؟؟؟000
ونحن هنا سنرد على اتهامات هذه { الهبلى** ونقول كل هذا الخواء والغثاء
خرج من
لسانك ايتها الافعى !!
كيف يخطبك (50) الف سعودي؟ هل تخدعين نفسك ام تخدعينا؟ ثم لماذا هذا
الهجوم
على المرآة السعوديه المحافظه ؟؟؟؟
ثم من هم هؤلاء الذين ينظرون اليك في المطار 000 نقول لك ايتها السيده في
الاصل والشبيه بالرجل في الشكل : كفي عن هرائك هذا فأنت قد تعريت بالكامل
وكشفت عن جسدك المتهالك والذي يشبه حمار الوحش الافريقي امام الملأ بحجة
التمارين الرياضيه000 ونقول لك ايضآ هل لايجوز إجراء تمارين رياضيه لرشاقة

الجسدإلا بالتعري وعمل الحركات الغير لائقه ؟؟؟؟؟؟؟؟؟
ياهذه كفي عن مهاجمة المرآة السعوديه ولا تتهمي الرجل السعودي بما هو ليس
فيه
وابحثي عن زبائنك من ( المشافيح) فالشرهة ليست عليك بل على تلك المحرره
(
ولللاسف بانها سعوديه ) التي استضافتك وافردت لك صفحه كامله تنفثين فيها
سهام
هجومك على انبل مجتمع في الوجود نسائة ورجاله 00000000


منقــــــــــول

[سهارى]

من زين الطبايع بعد جايه تقول اني ما جيت للسعوديه الا عشان اشتري ملابس الماركات العالميه اللي في السعوديه اللي تحمل المقاس (s) لان جميع المحلاااات مكدسه بهالمقاسااااااااااات شايقتنا برااااااميل....
يا شيخه ضفي وجهك محد طلب رايك هذي اجسامنا واحنا حرين فيها ما لقينا الا انتي تتحكمين باجسااااامنا ......طالعي جسمك اول اللي كنه جسم مصارع والصراحه ان الواحد يقرف لما يشوفه ولا فيه ولا ذره انوثه..... وبعدين انتي ما تلبسين هالملابس اللي في برنامج الا لغرض واحد انه عندك نقص في نفسك وما عندك ثقه لانك تبين الشباااااب ينهبلون عليك وتغرينهم بحركاااااااتك << امحق اغراااااااء:D :D ...
الا ما اقول خلف الله عليك ياللي تغريك هيفاء وعاجبتك يبغى لك نظاراااات تخليك تشوف زين لان ما عندك نظر ولا ذوووووق......

وبعد بعد جاااايتنا في بلدنا وتهزأ فيناااااااا.....ولاعبه على نفسها وتقول ان خمسين الف سعوووووودي طالبين يدي ....بس انا اتوقع انها غلطت هم كااانوا على ما اعتقد خمسه وعشرين الف هندي وخمسه وعشرين الف سير لانكي:D :D

وكانها صادقه انه خمسين الف سعودي فاقول لهم مال على وجيهكم .... كفوكم ........

اعذرني ودي اطوووووول بس ابي باااااقي الاعضااااااء يكتبوون رايهم وخصوصا السعودياااااات لان هالمساله مساله كراااامه ولازم نردهااااا...

تحياااااااتي لك

اختك // سهااااارى::1:: ::1::

[نجــ ديمة ـــد]

<-- لقد جائت مشتاطه غضباً

في الحقيقه أنا لم اتشرف انا ارى ولو برنامجاً واحداً للمدعوه هيفاء..
وأكتفيت برؤية وجهها الكئيب في احدى المجلات..

توقعت أن ارى أمامي ملاكاً أو....

أكتشفت وكأنني أرى قطعه سوداء!!!!!!!!!!!!

هيفاء؟

من أين أتت بهذا الجمال الذي تدعيه؟
عجيب لأمركن أيتها (البضائع)
ولاتسألوني لما قلت بضائع!!!!!
أي وحده منكن تريد أن تشتهر تقول أنا وأنا وانا..

تباً لكم

صدقوني أنا لا أحب أن أناقش أصحاب العقول الغارغة..
من ملىء عقلها بتفاهات لاتغنى عنها شيئاً




ولا بعد تقول خمسين الف سعودي
ابوك تلقاها على قول سهاري خمسين الف سرلنكي
من يبيتس انتي يالمسيحيه
<--- انقلبت الموجه
ومن اللي واثق بأخلاقتس علشان يخطبتبتس
ولااا بعد مالك الاهيفاء
الا مالك الا القرف يمال الجني
اجل حنا ناكل الكبسه؟؟ بناات بعد مادرت عن المطازيز والجريش كان وش تسوى؟
ايه بعد ناكلها ولو تجي هي وتطبخها لنا يصير اوفر
ونصير مثل البراميل؟؟
الا نصير دبه غاز وش عندتس بعد..احد شكالتس؟
وهي وش تاكل؟ اللهم عافنا
السكر والبلاوي
وأن تشيطرت عاد بلعت لها هالفيتامينات
وقال ايش؟
قال رشاقتي؟
يااااااااااااااربي لاتحوووم تسبدي

اما اللي شايفينها بالمطار؟
تلقاهم متروعين من ذا الوجه وهالجسم
بأختصـ ـ ـ ـ ـ ـ ـ ـ ـ ـ ـ ـ ـ ـ ـار:::

( قل هل ننبئكم بالأخسرين أعمالا* الذين ظل سعيهم في الحياة الدنيا وهم يحسبون أنهم يحسنون صنعا)

اللهم احسن نياتنا
والللهم لك الحمد
قال هيفاء قال
الا هيجاء
احم

[الحجة متولي]

ياشباب وبنات واللة ماساة هذة الي يسمونها هيفاء!!!
وش رايكم نفتح نادي انوثة المراة السعودية وندخلها فية نوريها اشوي ونعلمها الانوثة والرشاقة على اصولها ونعلمها شلون الجسم كيف يكون
واللة ماتقولين لي وين الخصر وين............ اللة يعين من الي نسمعة ياشبابنا لاتغترون بها اللبنانيات ترى الجمال يزول لكن الاخلاق والدين هو الي باقي وشلون بعد لجتمعوا الاثنين..اللة يعز السعودية والكبسة الي من يدها والمرقوق والمطازيز ولا والجريش والمفلق واللقيمات في الشهر الفضيل ولاعاش راس يقول السعودية مو زينة.
وسلامتكم
عفوا صدقوني حتى الحج متولي مايبيها ويتفل في وجهها هذة الي يسمونها هيفاء مالت عليها!!!!

[هتان]

بصراحه مثل وقاحتها ما شفت ::4::

ومين انتي يا هيفاء علشان يتقدم لك خمسين الف سعودي ؟!!
ليه لهذي الدرجه تحسبين شبابنا خبووول ؟!!

والا عاد الجسم لا يفوتكم وش اقول وش اخلي من كثر عيوبه
ما يكفي اليوم اقولها ..
لا وجايه تسب في اجسام السعوديات .. اقول اللي ما يطول
العنب حامض عنه يقول
<< تبي تنظلكم الحين على اجسامكم ؟:D :D
واذا اكلنا الكبسه وش فيها ؟؟
اجل بنااات شوفوها تاكل تبوله :D :D :D :D
يا هيفاء كل بلد له عاداته وتقاليده والظاهر اللي قاهرك تمسكنا
بحجابنا والا وش معنى نقطة الجسم اللي ذبيتينا فيها والا ما تسير
حلوه الا اذا طلعناها زييك ؟!!


اما عن المطاار فانهم
مفجوعين كيف تركوا وحده مثل خشتك تدخل في لاسعوديه لان
ارضنا اقدس من وجهك الف مرره ..



هتان

[كاتمة الجررررح]

الااستاذ اشكرك جدا على انك كتبت في هالموضوع انا قريته واستغربت الكلاام الي قالته وكيف ان اللي سوته معها الحوار سعوديه وتكتب كل الكلاام هذا . على العموم الااستاذ انا ودي بس هذا هيفاء تشوف نفسه وتصرفاتها هي تصرفات انثى ولاا لاا حتى جسمها . بعدين تقول انه 50 سعودي طلبوها للزواج ما توقع في سعودي يرضى لزوجته تطلع عند الناس وتسوي اللي تبي .

al_dam3a

[رهف]

هيفاء سخيفة ما عندها أدب



ورياضتها اسخف منها وكانها رقص مو رياضة



:mad: :mad: :mad: :mad:




واشكرك على هذا الموضوع

[الأستـــاذ]

السلام عليكم

شكرا لجميع اللي ردوا الأخت سهارى ونجمة نجد والحجه متولي وهتان وكاتمة الجرح ورررررررهف اشكركم جميعا

ولكم تحيات الاستـــاذ

مع السلامه

[سهارى]

اطلب من الحكومه السعوديه وخصوصا الخطوط الجويه السعوديه والمطاااااار انهم يحطون هالشيفه في القائمه السوداء..... ولو في القائمه المحترقه كان ازين.........:D :D


تحيااااتي لكم

سهاااارى:D :D

[نجــ ديمة ـــد]

لووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووول سهاري

[هتان]

هههههههههههههههههههههههههههههههههههههههه

هههههههههههههههههههههههههههههههههههههههه

مصختها عاد

لوووووووووووووول سهاري



هتان

[qa_14_mr]

احم احم
<--------------------من اللي خطبوا هيفاء
ههههههههههههههههههههههههههههههههههه
وعععععععععع عاد مالقوا هالسعودين الا هيفاء وين راحت
كليمناس اشقر وين راحو الفور كات كلهم وين راحت رولا الماصله (اهون من هيفاء) وين راحت فاتن حمامه (خشت عرض ذي)
وين راحوا بنات ديرتنا اللي لثمت وحده منهن تسحب ذولي وراها :D
بس لا تلومنها تراها مسيكينه معروضه للتقبيل
تعرفون ال بي سي بيسحتونها بلا رجعه بعد بعد ما بقاء الا ذا ال؟؟؟؟؟
يتطاولن على بنيتنا




::1:: اخوكم::1::
مشـــــــــــــــــهور

[المصرقعه]

هــــــــ استاذ ــــــــلا

شكرا لطرحك الموضوع......

لكن الصراحه الانسان التافه ما يستحق ان نضيع وقتنا في الكلام عنه........وخاصة عن مساوءه الشنيعه ......

واللـــــــــــه هذي مدري وين ربي حاطّهـــا:confused:

انسانه غريبه...وفيها جرءه شنيعه.....اصلا كيف تجرء على قول هذا الكلام عن السعودين......
صدق ما عندها سالفه......
وبعدين المشكله كله سب فينا يا البنات.....خير ان شاءالله هي الدنيا سايبه ولّا سايبه......؟؟؟؟؟؟؟؟؟؟:mad: :mad: :mad:

اقدّر موقفكم وردودكم الحارقه عليها......من حق الجميع طبعا...!!

تحياتي: المصرقعه
::1:: ::1:: ::1::

[اخو جوزاء]

بصراحه ماني مصدق .. معقوله البنات شايلات في صدورهن على هيفا ليش؟ علشانها نشيطه وتقوم كل صبح تتدرب وتدرب معها الشباب العربي ... يا غيورااااات;)

المهم انا ابا اقول لكم ان المسؤول عن lbc نصراني متعصب جداً يبي يفسد شباب المسلمين هيفا تهون مع الافلام اللي يعرضون

وأنا اتحدى اذا سعودي واحد خطبها يمكن اللي تتدرب وراها يمين :rolleyes: